تصدر الفنان شريف منير حديث مواقع التواصل الاجتماعي المختلفة، وذلك بعدما تداول رواد السوشيال ميديا فيديو له وهو يوجه رسالة مؤثرة لـ زوج ابنته اسما بعد زواجهم، يوصيه عليها ويؤكد له مدى قربها منه لدرجة أنه يشعر أنها والدته.

رسالة شريف منير لزوج ابنته تتصدر التريند 

وقال شريف منير في الفيديو المتداول والذي رصده موقع تحيا مصر منذ قليل: أسما تعبت وكافحت ووقفت جنبي كتير، أنا عايز اقولكم أنها تعتبر أم ليا وهي اللي بتوجهني وبتظبطلي حياتي، نفسي جدا أن أحمد ياخد باله منها مش طالب منه أي حاجة غير أنه يبقى حنين عليها ومحتويها لأن أنا في يوم من الأيام ربنا يديكم العمر والصحة أنا همشي عايز أبقى مطمن عليها.

ويذكر انه، أعلنت الفنانة أسما شريف منير بشكل مفاجئ عن زواجها من مدرب الحركة والرقص المعاصر أحمد شامل عزمي، وهو متخصص في الرقص المعاصر والحركة الإبداعية، وقد تتلمذ في واحدة من أبرز المؤسسات المتخصصة في هذا المجال، حيث تخرّج من برنامج التدريب الاحترافي للرقص المعاصر بمركز القاهرة للرقص المعاصر، التابع لفرقة "معت" التي أسستها الفنانة كريمة منصور.

أسما شريف منير تعلن زواجها 

وكتبت أسما شريف منير عبر حسابها الرسمي بموقع انستجرام: أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود.

وتابعت أسما شريف منير: قعدت فترة كبيرة جدا بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا. وحاولت إني أدعي ربنا كتير قوي إنه يقف جنبي ويختار لي، وكنت دايما بقول: يا رب اختار لي ولا تخيرني. وكنت مركزة جدا في موضوع إني أتعامل بالتوكل، وتوكلت على ربنا تماما تماما في القرار ده. وتعاملت على إنه هو اللي هيجوزني وهو اللي هيقول لي أعمل إيه. قلت له: سهل لي الطرق المعينة اللي أنت عايزني أعملها. أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض. وكلمت مع ربنا كتير لحد ما جه وقت صدقت جدا وكان عندي يقين غير عادي إن ربنا هيحقق لي الحاجة دي. لأني كنت عديت بفترة تعب كبيرة قوي نفسي علشان أقدر أتخطى ده. كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح.

كيف تحدث شريف منير عن زواج ابنته 

وسبق وقال شريف منير عن زواج ابنته: لو واحد اتقدم لبنتي فرق السن بينها وبينه كبير هوافق عادي لأننا في زمن في عيال كتير تافهة وبردو في بنات كل همها الفرح والفستان مش قد المسؤولية.