الحق جهز ورقك واستعد من دلوقتي علشان في طرح كبير لشقق الاسكان الاجتماعي الجديدة.. يا ترى الطرح ده هيكون امتي واية شروطه والأوراق المطلوبة له..

شقق الاسكان الاجتماعي واحدة من الحاجات اللي بيكون عليها اهتمام واقبال كبير جد من المواطنين وده اللي اكدته التحربة الاولي لشق الاسكان الاجتماعي لشقق سكن لكل المصريين 5 واللي كان في اقبال تاريخي وطوابير طويلة قدام مكاتب البريد علشان يشتروا كراسات الشروط ويدفعوا مبالغ جدية الحجز واللي وصلت لـ30 الف جنية للشق السكنية في المدن الجديدة و 20 الف جنية للشقق السكنية في المحافظات.

بعد ما الحكومة ممثلة في وزارة الإسكان والمرافق العمرانية اعلنت عن نتيجة إعلان سكن لكل المصريين 5 والناس عرفت مصيرها سواء كانوا داخل الاولوية أو خارج الأولوية، الحكومة حاليا بتستعد لطرح جديد لشقق الإسكان الأجتماعي سكن لكل المصريين 7 واللي هيفتح باب الحجز فيه بعد انتهاء أجازة عيد الأضحي المبارك وتحديدا يوم 8 من شهر يوليو واللي جاي وهيستمر فتح الباب لمدة شهر كامل هينتهي يوم 8 من شهر اغسطس.

وزارة الإسكان ممثلة في صندوق الاسكان الاجتماعي ودعم التطوير العقاري أعلن عن الشروط الكاملة للمواطنين اللي عايزين يقدموا، وقالوا أن الأولوية في الطرح الجديد لشقق سكن لكل المصريين 7 هتكون للمواطنين اللي كانوا خارج الأولوية في إعلان سكن لكل المصريين 5 خصوصا أن الناس دي كانوا منطبق عليهم الشروط ولكن بسبب الإقبال الكبير علي ججز الوحدات السكنية محالفهمش الحظ في الفوز بالقرعة.

الوزارة حددت كمان شروط التقديم في الطرح الجديد لشقق سكن لكل المصريين 7 واللي هتوصل مبالغ جدية الحجز فيه لـ50 الف جنية، وكمان حددت الأوراق المطلوبة للتقديم واللي هيا بطارقة رقم قومي سارية وايصال شراء كراسة الشروط وايصال دفع مبلغ جدية الحجز وايصال سحب مقدم جدية الحجز للناس اللي كانت مقدمه في اعلان سكن لكل المصريين 5 ، ومفردات مرتب للناس الموظفين في القطاعين العام والخاص، وشهادات ميلاد للناس الي عندهم أولا وقيد عائلي مميكن، وقسيمة زواج كمبيوتر وعقد إيجار ويعملهم في ملف بي دي إف يكون مساحته لا تتعدي 2 ميجا ويرفعهم علي موقع الصندوق.