ناس كتير بستال علي افضل البنوك اللي بتقدم فايدة في الوقت الحالي، ولو معايا 100 الف جنية وحطتيهم في شاهدة في البنوك الفايدة بتاعتهم هتوصل لكام..

الظروف الأقتصادية الصعبة واللي اغلب الناس بتمر بيها بسبب التغيرات اللي حصلت في سعر الصرف واللي فرضت علي الناس تحديات وزيادات متتالية في الاسعار خلت الناس تدور علي مصادر بديلة لزيادة دخلهم وتحسين مستوي معيشتهم، وعلشان كده الناس علي طول بتدور علي افضل الاوعية الأدخارية الموجودة في السوق، واللي غالبا محصروين في مصر بين 3 حاجات أول حاجة هيا الاستثمار في العقارات وده للاسف محتاج مبالغ كبيرة تتعدي الملايين لشراء شقة سكنية.

تاني حاجة من الأوعية الإدخارية اللي متاحه قدام المواطنين هيا الاستثمار في الذهب وده سعر منخفض جدا في الوقت الحالي في مصر ومرشح للانخفاض مجدد بسب الانخفاض اللي موجود في سعر الصرف، تالت وعاء ادخاري متاح قدام المواطنين هيا شهادات الادخار ، وده واحدة من الخدمات المهمة اللي بتقدمها البنوك للمواطنين واللي عليها اقبال كبير جدا من المواطنين خصوصا أنها بتكون مضمونة الفلوس اللي العميل بيحطها فيها، والعائد اللي هياخذه منها، ده غير أن بيكون مش خايف من التقلبات اللي بتحصل في سوق الصرف في مصر، ولا بيكون شايل هم شغل ولا دفع ايجارات أو رواتب عاملين.

طيب لو معايا 100 الف جنية وحطهم في شهادة ادخار هتوصل الفائدة بتاعتهم لكام؟.

مع قرارات البنك المركزي الاخيرة بخفض اسعار الفايدة، العملاء بدأت تعيد حساباتها بخصوص شهادات الأدخار، خصوصا بعد ما اغلب البنوك العاملة في مصر عدلت اسعار الفايدة علي الشهادات بسبب قرارات البنك المركزي بتعديل اسعار الفايدة، والسؤال ده جاوب عليه البنك الأهلي واللي اعلن عن تقديم الشهادة البلاتينية ذات العائد المتغير لمدة 3 سنين بدورية صرف ربع سنوية كل 3 أشهر، وبيوصل سعر الفايدة لها لـ25.25%، يعني لو العميل حط 100 جنيه هياخذ فائدة هتوصل لـ 2104 جنيهات، بإجمالي سنوي هيقترب من 25250 جنيه.