فاجأت أسما شريف منير جمهورها ومحبيها بخبر زواجها، حيث شاركت متابعيها بصور وفيديهات  من زفافها البسيط عبر حسابها الرسمي على موقع التواصل الاجتماعي لتبادل الصور والفيديوهات الانستجرام.

أسما شريف منير تعلن زواجها

ونشرت  أسما شريف منير عبر حسابها الرسمي على موقع التواصل الاجتماعي لتبادل الصور والفيديوهات الانستجرام، بعدما نشرت بوست سابق أوضحت كيف اتخذت القرار لدخول عش الزوجية المرة الثالثة وتابعت: "وكمان من الحاجات اللي اتعلمتها إني ما عودش أفكر في المستقبل، ما عودش أفكر في إزاي أوضب حاجة وأعمل فرح كبير مبهرج وفي حاجات كتيرة قوي بالزيادة".

وأضافت:"ولا حتى كنت عايزة أعمل أي حاجة من الحاجات دي بشكل شغل، إني مثلاً أعمل كولابوريشن أو حاجات، كنت عايزة إن أعمل حاجة أقدر عليها وتبقى في استطاعتي، وتبقى مبهجة".

وقالت: " وإنتيمت وفيها الناس القرايبين مني قوي وأهلي وحبيت إن أعمله في بيتنا، وحبيت إن الفرحه تبقى دي أول حاجة موجودة في البيت حبيت إن أعمل ديكور بسيط، حبيت إن ألبس حاجة بسيطة، حبيت إن الصور تبقى متصورة من الموبايل عادي".

وأوضحت: "صحابنا اللي مصورنا، إحنا اللي عملنا الديكور بتاع المكان بإدينا، وإحنا اللي عاملين كل حاجة في البيت بإدينا. فالإحساس ده حسسني إن كل حاجة إحنا بنعملها فا في تفصيلة بتفكرنا بحاجة، وكل تنشئة وكل خناقة وكل حاجة في الدنيا كانت في الآخر وصلتنا للحاجة الحلوة اللي حصلت النهاردة". 

وأكملت: "أنا ممتنة جداً لكل الناس اللي كانت معايا وحواليا وساعدتني، وعايزة أقول إن أنا مبسوطة برضو بإني مجرد إني أعلنت إن أنا هتجوز حسيت قد إيه إن فيه ناس كتير كانت بتابعني من زمان وعارفة إن أنا بتكلم من قلبي. 

واستطردت: "فالناس دي بعتت لي فرحانين من قلبهم ليا كأني أختهم أو صاحبتهم، وده بيأثر فيا جداً لأني بحس إن الناس اللي بيطلع من قلبي بيوصل لهم".

وأشارت: "والكابشن دي عشان كنت عايزة إنه بنات كتير تفكر وهي بتتجوز ما تفكرش في الماديات وفي الفستان يبقى منين وفرحي فين وقد إيه هو كبير أو مبهرج على قد ما تفكر هي بتختار مين ومعاها إيه". 

واختتمت حديثها:"ويمكن الاختيار ده جالي بعد تجارب صعبة عدت فيها، وأتمنى إن يبقى حسن الاختيار، وبحبكوا قوي".