قال مصطفى فتحي، لاعب نادي بيراميدز، في تصريحات تلفزيونية عبر قناة MBC مصر 2، إن طريقة تعامل الحكام معه اختلفت بشكل كبير منذ انتقاله من الزمالك، مشيرًا إلى أنه يشعر بظلم واضح في المباريات بقميص بيراميدز.
وأضاف فتحي:وأنا في الزمالك، كان الحكام بيتعاملوا معايا باحترام، وكتير كانوا بيهزروا معايا وبيهدوا اللعبة وقت التوتر، لكن بعد ما انتقلت لبيراميدز الوضع اتغير تمامًا.
وتابع: في بيراميدز بحس بظلم كبير من الحكام، حتى أسلوبهم في الكلام بقى مختلف. مرة كلمت حكم باحترام وقلت له (يا كابتن)، قالي (متتكلمش معايا)، ولما رديت وقلت له إني باكلمك بأدب، قالي (إنت هتعلّمني الأدب؟!). ده عمره ما حصللي وأنا في الزمالك، الحكام هناك كانوا بيحايلوا اللاعبين وبيتكلموا بهدوء.
0 تعليق